TTS მერვე კონგრესი, FEMTOS პირველი გენერალური ასამბლეა , თურქეთი, აპრილი 2005

საქართველოს რესპირაციულ ასოციაციას მჭიდრო ურთიერთობა აქვს თურქეთის გულმკერდის საზოგადოებასთან (თთშ), რომლის ყოველწლიურ კონგრესებში ჩვენი ექიმები 2002 წლიდან მონაწილეობენ. თურქეთის გულმკერდის საზოგადოების ინიციატივით 2005 წლის აპრილში დაფუძნდა ევრაზიის და ხმელთაშუა ზღვის ქვეყნების გულმკერდის საზოგადოებების ფორუმი (FEMTOS).

ფორუმის მიზანია პროფესიული და სამეცნიერო კავშირების დამყარება ევრაზიის და ხმელთაშუა ზღვის გულმკერდის საზოგადოებებს შორის, პულმონური მედიცინის განვითარების ხელშეწყობა რეგიონის ქვეყნებში. სიამაყის გრძნობით გვინდა აღვნიშნოთ, რომ საქართველოს რესპირაციული ასოციაცია ფორუმის შექმნის იდეის ერთ-ერთი აქტიური მხარდამჭერი იყო, როდესაც 2002 წელს პირველად წარმოიშვა ასეთი საერთაშორისო გაერთიანების შექმნის იდეა. დღეს საქართველოს თავისი წარმომადგენელი ჰყავს ფორუმის გენერალურ ასამბლეაში.